یہ کتاب الصارم المسلول علی شاتم الرسول ہے جس کو شیخ الاسلام امام ابن تیمیہ رحمہ اللہ نے ایک حادثہ کے بعد تصنیف کیا تھا جو آپ کے زمانہ میں رونما ہوا ۔ آپ نے محسوس کیا کہ رسول اللہ صلی اللہ علیہ وسلم کا جو کم از کم حق آپ پر ہے اور اسکا تقاضا یہ ہے کہ رسول اللہ کی توہین کرنے والا جس سزاکا مستحق ہے ، خواہ وہ مسلم ہو یاکافر ، اس کو مع متعلقہ احکام و مسائل صفحہ قرطاس پر لایا جائے ، مزید برآں اس ضمن میں تمام حکم و دلائل اور مختصر اقوال پیش کردیا جائے ۔ اس کے ساتھ ساتھ اس کے اسباب و علل کو ذکر کیا جائے اور جس چیز پر اعتماد واجب ہے اس پرروشنی ڈالی جائے ۔ اس لئے کہ ایک مسلم پر جو چیز کم از کم واجب ہے وہ رسول اکرم صلی اللہ علیہ وسلم کی تائید و حمایت ہے ۔
